عشان ما يطلعلكم سوء اختيار للقبول في الجامعات لازم تشوفوا المقالة كامل

عشان ما يطلعلكم سوء اختيار للقبول في الجامعات لازم تشوفوا المقالة كامل





❌عشان ما يطلعلكم سوء اختيار لازم تشوفوا البوست كامل .

📌بهذا البوست رح نوضحلكم كل آلية القبول الموحد🥰

🔴اول اشي شو هو موقع القبول الموحد؟
🔻موقع القبول الموحد هو موقع   بقدمو عليه  الطلاب الي جايبين معدل ٦٥٪؜ وفوق
ليتنافسوا على التخصصات في الجامعات الحكومية.

📌كيف موقع القبول الموحد بتعامل مع الطلب الي بتقدمه؟
بينظر للطلب تاعك بالترتيب  من اول تخصص وببلش ينزل للتخصص الي بعده حتى يوافقولك على تخصص حسب معدلك واذا  كنت معبي كل الخيارات اعلى من معدلك هون للأسف بيطلعلك سوء اختيار .💔

📌شو يعني سوء اختيار ؟
📍يعني انك قدمت على تخصصات بطريقة خطأ وكلها اعلى من معدلك وانرفضت منهم كلهم ..
هون بهالحالة بسجلوك بتخصص بجامعات الجنوب (الطفيلة والحسين بن طلال)

📌كيف بيختار موقع القبول الموحد التخصص لكل شخص ؟
رح نشرحلكم الآلية بمثال عشان يكون واضح للجميع 😎

مثلا شخص معدله 97 علمي وبده يدخل طب
وعبى الموقع  بالترتيب :
طب-الجامعة الأردنية
طب-جامعة التكنو
.
الخ

طبعاً الجامعات الحكومية  بتكون محدده  للقبول الموحد عدد المقاعد الي لازم يقبلوها لكل تخصص  .

لنفرض انو عدد مقاعد الطب بالجامعة الأردنية ١٠٠ مقعد تنافسي .

وكان  مقدم على تخصص الطب بالجامعة الاردنية
١٠٠٠ واحد 
هون الموقع بيقبل اول ١٠٠ شخص
لنفرض كان اخر واحد انقبل معدله 97.2
بهاي الحالة لما تطلع النتائج بصير اسمه ادنى معدل قبول تنافسي لجيل ٢٠٠٣  .

وعلى مثالنا الي فوقبما انه معدله اقل  الموقع بينزل تلقائي على الخيار الثاني للطالب
(الي هو طب بجامعة التكنو)
بيتعاملوا معاه بنفس الطريقة ♥️

لهيك ما في حد ممكن يعرف  معدلات القبول حالياً ولكن  احنا بنقدم على تخصصات بشكل منطقي ، كيف يعني؟

يعني حسب الاحصائيات ومعدلات الطلاب ل جيل 2003  هي اقرب اشي لسنة 2018  بامكانك تاخذها بعين الاعتبار بالتقديم .
يعني احتمالية تفرق المعدلات بشكل بسيط عن سنة 2018.
📌كيف ممكن اعرف شو بطلعلي تخصص حسب سنة 2018 ؟
احنا ريحناك من خطوة انك تدور بمواقع وتعجق حالك
جهزنالك برمجية "تخصصك حسب معدلك"
بتحط فيها معدلك وتخصصك بيطلعلك شو في تخصصات بتناسب معدلك بالجامعات✅

📌 شو احسن طريقة اقدم فيها وما يطلعلي سوء اختيار  ؟
الاحسن انك تقدم 5  تخصصات بدك اياهم  معدلات قبولها  فوق معدلك  (5 علامات كحد اقصى)   .
15 تخصص قد معدلك او اقل بعلامة علامتين

باقي التخصصات الي تعبيها بالطلب تكون اقل من معدلك اقل اشي 3 علامات  عشان فيما لو ارتفعت معدلات القبول تضلك بالجانب السليم  (اهم اشي تعبي تخصصات انت بدك اياها عشان ما تحكي طلعلي تخصص ما بدي اياه  )


جديد قسم :

إرسال تعليق